Maria Carta Testi

Maria Carta Duo Puggioni – No potho reposare (Adiosu a Diosa) Testo

No potho reposare, amore ‘e coro,

pensende a tie so donzi momentu;

no istes in tristura, prenda ‘e oro,

ne in dispiaghere o pensamentu.

T’assicuro ch’a tie solu bramo,

ca t’amo forte t’amo, t’amo, t’amo.

Si tue non bi podes reposare,

non reposat Diosa, amore ‘e coro:

frecuente mi ponzo a lagrimare

pensande ch’est lontanu su chi adoro.

Ite m’importat chi brames a mie

si no ti tenzo a curtzu rie-rie?

Amore meu, prenda d’istimare,

s’affetu meu a tie solu est dau.

s’aere juttu sas alas a bolare

milli bortas a s’ora ‘ipo bolau

pro benner nessi pro ti saludare,

s’atera cosa nono a t’abbisare.

Ses su sole ch’illuminat a mie,

1

chi m’esaltat su coro e i’sa mente,

lizu froridu candidu che nie,

semper in coro meu ses presente.

Amore meu, amore meu, amore,

bive sentz’amargura e ne dolore.