Pitura Freska Testi

Pitura Freska ‘Na bruta banda Testo

No voemo segregassion

el sistema crea solo disperasion

no podemo star sempre siti

nialtri sonemo e no femo i banditi

Ma quei che ne comanda

i xe proprio ‘na bruta banda

e più che ‘ndemo ‘vanti

de cantargheo no saremo mai stanchi

Xe na regola, no xe un comento

che i te sfruta fin dal svesamento

pal ben de tuti no i move un paso

lori al nostro posto i faria un colasso

Ma quei che ne comanda

i xe sempre ‘na bruta banda

e più che ‘ndemo ‘vanti

de cantargheo no saremo mai stanchi

A far truffe i xe i più scaltri

lori varda sempre e scarsee dei altri

e magagne i le ciama sfighe

varda lori come che i se la ride

I fa presto a incantar la gente

co la va mal i fa finta de niente

i va in serca dei marsiani

e qua in tera i ne fa viver da cani

Ma quei che ne comanda

i xe proprio ‘na bruta banda

e più che ‘ndemo ‘vanti

de cantargheo no saremo mai stanchi